UM LIVRO DO AMIGO DA ALGP
PAULO MARTINEZ LEMA
"As Crónicas
Chairegas"
Publicou-no em 2008 a Fundación Manuel María da Terra Chá na
sua colecçom "As Foulas do Rañego". Conta com ilustraçons do artista
Miguel Cuba, e com limiar do escritor Xosé Luís Vázquez Somoza.
No que ao livro diz respeito, está formado por um conjunto de pequenos relatos
na linha dos livros de semblanzas que publicara no seu dia Álvaro Cunqueiro
("Os outros feirantes", "Xente de aquí e de acolá" etc.) ,
e protagonizados por personagens do universo rural chairego com os quais se
misturam outras personagens históricas, pseudo-históricas e/ou míticas, desde
Crecente Vega a Maeloc, desde o rei Artur até Avelino Cachafeiro, desde os
mouros e "gente cativa" até Fernando Ares de Sá Vedra ou Pancho
Villa.
Deste jeito articula-se um mundo que tem como piar umha concepçom mágica, ou
melhor mítica, da realidade, na qual "o real" é todo aquilo que pode
ser imaginado e contado, e em cuja literaturizaçom tenhem muita influência as
técnicas da narraçom oral, mas também as minhas leituras daquela época (o
próprio Cunqueiro, Novoneyra, Seamus Heaney, Borges, a literatura mitológica
irlandesa...).
Sem comentários:
Enviar um comentário