Antón Lopo (Antón
Rodríguez López) (Monforte de Lemos, 1961). Escritor e actor, coordina Maré, a
sección cultural do xornal Galicia Hoxe e o suplemento Revista das letras.
Baixo distintos nomes e en diferentes colectivos, desenvolveu un traballo ue
abrangue a música, a plástica ou o teatro. É cofundador do Laboratorio de
Indagacións Poéticas e autor do poemario oral Prestidixitador (2001), concibido
como unha experiencia singular onde o propio poeta é o único soporte da obra.
Desenvolveu varios ciclos como activista e performer, entre eles O lugar, no
que mediu Compostela co seu corpo e co Festiclown percorreu Chiapas nunha
montaxe de apoio ás bases zapatistas. Como investigador e divulgador publicou
Fermín Bouza Brey. Unha Fotobiografía (Xerais 1992), traballo sobre o escritor
homenaxeado nas Letras Galegas que retomará na serie documental para TVG, O
faro que perdeu a gracia da luz; Guía de Santiago de Compostela (1993);
Mishima, que existiu nunca (1995), ensaio; e As tres mortes de Lorenzo Varela
(2005). Como poeta ten publicado: Sucios e desexados (1987), Manual de
masoquistas (1990); Á sombra dos rapaces mexando (1995), Om (1996), Pronomes
(1999) e Fálame (2003), premio Esquío. Como narrador ten publi-cado “O baile”,
no volume Contos eróticos / eles (Xerais 1990); As reliquias (Xerais 1991),
novela, Premio Café de Catro a Catro; O riso de Isobel Hill (2000), novela; e
Ganga (Xerais 2001). Como autor teatral publicou Os homes só contan ate tres
(Xerais 2006), premio Álvaro Cunqueiro 2004. A partir de diversos materiais,
traballa no proxecto Dentro nun lameiro da Ulloa.
O LIBRO
OBEDIENCIA
Antón Lopo sitúa a súa novela no século XXII,
nunha Galicia republicana na que o goberno perdeu o control sobre todo o
territorio agás a capital, Compostela. A cidade é centro dunha puxante economía
que se contrapón á mísera Alemparte, un deserto salvaxe sen regulamento
democrático.
Nunha residencia de Compostela para científicos con problemas piscolóxicos, está ingresada Elba Mácara, unha paciente con crises de amnesia que cre prever o destino mediante cálculos matemáticos. Cando menos o agarda, Mácara consegue fuxir para refuxiarse na Alemparte, un ermo salvaxe onde ten base o grupo resistente Alogon.
Cunha enorme forza creadora, utilizando unha linguaxe que evoca as imaxes do cinema de ciencia ficción, Lopo vai introducir os lectores e as lectoras en paisaxes imprevisibles, inzadas de mutantes, salteadores e traficantes de alcaloides. En Obediencia, a intriga desenvólvese freneticamente en torno a unha obsesión: descubrir a posición de Lef, un número natural perdido na memoria dos tempos... A loita polo poder e polo control da mente tampouco queda fóra desta singular e apaixonante novela de aventuras na que os protagonistas viaxan por unha Galicia sorprendente.
Nunha residencia de Compostela para científicos con problemas piscolóxicos, está ingresada Elba Mácara, unha paciente con crises de amnesia que cre prever o destino mediante cálculos matemáticos. Cando menos o agarda, Mácara consegue fuxir para refuxiarse na Alemparte, un ermo salvaxe onde ten base o grupo resistente Alogon.
Cunha enorme forza creadora, utilizando unha linguaxe que evoca as imaxes do cinema de ciencia ficción, Lopo vai introducir os lectores e as lectoras en paisaxes imprevisibles, inzadas de mutantes, salteadores e traficantes de alcaloides. En Obediencia, a intriga desenvólvese freneticamente en torno a unha obsesión: descubrir a posición de Lef, un número natural perdido na memoria dos tempos... A loita polo poder e polo control da mente tampouco queda fóra desta singular e apaixonante novela de aventuras na que os protagonistas viaxan por unha Galicia sorprendente.
Sem comentários:
Enviar um comentário